મમ્મીની મદદ

મારી મમ્મી દિવસ-રાત કામ કરે છે. તે રસોઈ બનાવે છે. કપડાં ધોવે છે. ઘરની સફાઈ કરે છે. હું હવે ધોરણ ૪માં છું. હું મમ્મીને મદદ કરી શકું છું. હું મારી પથારી પોતે કરું છું. હું મારા રમકડાં વ્યવસ્થિત મૂકું છું. મમ્મી રસોઈ બનાવે ત્યારે હું શાક ધોવામાં મદદ કરું છું. હું પાણી ભરી લાવું છું. જમ્યા પછી હું ડિશ સાફ કરવામાં મદદ કરું છું. મમ્મી ખુશ થાય છે. તે કહે છે, “મારો બેટો જવાબદાર બની રહ્યો છે.”