સિંહ અને ઉંદર

એક જંગલમાં એક સિંહ ઊંઘી રહ્યો હતો. એક નાનો ઉંદર તેના શરીર ઉપર દોડવા લાગ્યો. સિંહ જાગી ગયો અને ઉંદરને પકડી લીધો. ઉંદર ભયથી થરથરવા લાગ્યો અને બોલ્યો, “મહારાજ, મને માફ કરો. કોઈ દિવસ હું તમારી મદદ કરીશ.” સિંહ હસ્યો અને કહ્યું, “તું મારી મદદ કરી શકશે? જા, છોડી દઉં છું.” એક દિવસ સિંહ શિકારીની જાળમાં ફસાઈ ગયો. ઉંદરે દોડીને જાળ કાપી નાખી. સિંહ મુક્ત થયો અને ઉંદરનો આભાર માન્યો. ત્યારથી બંને સારા મિત્ર બની ગયા.