સ્વામી વિવેકાનંદ

સ્વામી વિવેકાનંદનો જન્મ ૧૨ જાન્યુઆરી ૧૮૬૩ ના રોજ કોલકાતામાં થયો. તેમનું બાળપણનું નામ નરેન્દ્રનાથ દત્ત હતું. તેઓ બાળપણથી જ બુદ્ધિશાળી અને જિજ્ઞાસુ હતા. તેમના ગુરુ રામકૃષ્ણ પરમહંસ હતા. તેમણે ભારતીય સંસ્કૃતિ અને હિન્દુ ધર્મની મહાનતા આખા જગતને બતાવી. ૧૮૯૩માં તેઓ અમેરિકા ગયા અને ત્યાં “વિશ્વ ધર્મ સંમેલન” માં ભાષણ આપ્યું. તેમના “બંધુઓ અને ભગિનીઓ” શબ્દો સાંભળી લોકો અભિભૂત થઈ ગયા. તેમણે “રામકૃષ્ણ મિશન” ની સ્થાપના કરી. તેમની જન્મ જયંતી “રાષ્ટ્રીય યુવા દિવસ” તરીકે ઉજવાય છે.