જળચક્ર

જળ ચક્ર એ પ્રકૃતિનું એક અદ્ભુત ચક્ર છે. પાણી હંમેશા એક સ્થાનથી બીજા સ્થાનમાં ફરતું રહે છે. સૂર્યની ગરમીથી સમુદ્ર, નદી, અને તળાવોનું પાણી વરાળ બનીને ઊંચે જાય છે. આ પ્રક્રિયાને “બાષ્પીભવન” કહેવાય છે. વરાળ આકાશમાં ઊંચે જઈને ઠંડી થાય છે. તેનાથી નાના નાના પાણીના ટીપાં બને છે. આ ટીપાં એકઠા થઈને વાદળ બને છે. જ્યારે વાદળ ભારે થાય ત્યારે વરસાદ રૂપે પાણી જમીન પર પાછું પડે છે. જમીન પર પડેલું પાણી નદીમાં વહે, સમુદ્ર સુધી પહોંચે. પછી ફરીથી સૂર્યની ગરમીથી વરાળ બને. આમ આ ચક્ર સતત ચાલતું રહે છે. જળ ચક્ર વગર પૃથ્વી પર જીવન શક્ય જ નથી. તેનાથી જ આપણને પીવાનું પાણી, ખેતી માટે પાણી, અને ઉદ્યોગો માટે પાણી મળે છે.